باهارین گلدیگین ندن بیلییم
گول دیکنده بیتر، بولبول تالدا دیر
اییوبون تنینده ایکی قورد قالدی
بیری ایپک سارار، بیری بالدا دیر
کونلونه گتیرمه شکک ایله گومان
سید نسیمییه دئ، اول اولدو شان
تانری ایله مینبیر کلام سویلشن
علی مدینه ده، موسا توردا دیر
شریعت یولونو محمد آچدی
تریقت گولونو شاه علی سئچدی
شو دونیا دان نئچه یوز مین ار کئچدی
اونلار اتفاقدا، مئهدی یولدا دیر
آدمین، حاتمین ذات-ی فزلوللاه
اشیایی قرق ائتمیش بو بیر سیرروللاه
شاهنشاهی-قوتبی-عالم زیللوللاه
قودرت-ی نظری مومن قولدا دیر
شاه ختای آیدیر: سیررینی یایما
قیلا گور نامازین قزایه قویما
شو یالان دونیادا هئچ سابام دئیمه
تنین تناشیرده، سیررین سالدا دیر